მოგესალმები, ძვირფასო მკითხველო, უკვე 29 ივლისიც თენდება და ჩვენს ქალაქში ძალიან საინტერესო
და სახალისო აქტივობაა დაგეგმილი. იმედია სინოპტიკოსების
ვარაუდი არ გამართლდება და ყველაფერი გეგმის მიხედვით ჩაივლის, ეს ყველაფერი კი ჩემი
ინტერესების ქვეშ იმიტომ აღმოჩნდა, რომ აქტივობა რომელზეც ახლა ვისაუბრობ, პირველად
ტარდება ჩვენს პატარა ქალაქში და როგორც ალბათ
მეც მსურს, რომ წარმატებით ჩაიაროს ყველაფერმა და ახალგაზრდებს რომლებიც ანხორციელებენ იმედები არ გაუცრუვდეთ.
როგორც წინა სტატიაში მოგახსენეთ ეს ახალგაზრდები
წარმოადგენენ საინიციატივო ჯგუფს „ახალგაზრდები ცვლილებებისთვის“, რომელიც ერთი წლის
წინ ჩამოყალიბდა და აქტიურად ერთვება მას შემდეგ სხვადასხვა პროექტებში, რისთვისაც
დიდ მადლობას უხდი მათ.
ამ ყველაფერთან ერთად მინდა კიდევ ერთი მათ მიერ
წარმატებული აქტივობა გაჩვენოთ, საინიციატივო ჯგუფმა 28 ივლისის ღამის 3:00 საათზე, საგარეჯოს გამგეობის და ქალაქის
პოლიციის დახმარებით ერთ-ერთ ქუჩაზე მოხატეს ფერადი ზებრა გადასასვლელი, რამაც დიდი
გაოცება და აღფრთოვანება გამოიწვია მოსახლეობაში.
და ბოლოს მინდა მოგიწოდოთ ყველას დღეს 29 ივლისს
19:00-ზე საათზე საგარეჯოს ცენტრალურ პარკში მობრძანდეთ, რათა ერთად
გავაფერადოთ ქალაქი და მოუსმინოთ ჩვენი რაიონის წარმატებულ ახალაზრდა მომღერლებს.
მადლობა ყურადღებისთვის!
ავტორი: ლუკა სასწრაფოშვილი
No comments:
Post a Comment